Frequently Asked Question

News & Update

Jan 1

हैजा सम्बन्धि जानकारी

मिति: २०७६-०१-२६    हैजा संक्रमण देखिएको ठाउँबाट संकलन गरिएको पानीको नमुना परिक्षणको नतिजा :   काठमाडौँ महानगरपालिका वडा न १३, हैजा संक्रमित बिरामीको घरबाट ल्याईएको ३ वटा पानीको नमुना राष्ट्रिय जनस्वास्थ्य प्रयोगशाला, टेकुको परीक्षण नतीजामा ३ वटै पानीमा प्रसस्त मात्रामा Coliform भेटिएको र पानीमा हैजाको जीवाणु नभेटिएको ।   मिति: २०७६-०१-२४ ,दिउसो ४:०० बजे - काठमाडौँ महानगरपालिका वडा न. १३ निवासी, ४५ बर्षीय पुरुष झाडापखालाको बिरामी शुक्रराज ट्रपिकल तथा सरुवा रोग अस्पताल, टेकुमा उपचारको लागी मिति २०७६-०१-१७ गते भर्ना भएको । - उक्त बिरामीको दिसाको नमुना संकलन गरि शुक्रराज ट्रपिकल तथा सरुवा रोग आस्पताल, टेकुको आफ्नै प्रयोगशाला र राष्ट्रिय जनस्वास्थ्य प्रयोगशाला, टेकु दुवैमा परीक्षण गर्दा मिति २०७६-०१-२२ गते हैजा प्रमाणित भएको । - इपिडिमियोलोजी तथा रोग नियन्त्रण महाशाखा र राष्ट्रिय जनस्वास्थ्य प्रयोगशाला, टेकुबाट उक्त बिरामीको घर गई स्थलगत निरिक्षण गरेको र बिरामीको स्थिती बुझ्दा सामान्य रहेको र अन्य परिवारका कुनै पनि सदस्यमा झाडापखाला नदेखिएको । - बिरामीको घरबाट विभिन्न स्रोतका ३ वटा पानीको नमुना संकलन गरी पानीको परिक्षण गर्न राष्ट्रिय जनस्वास्थ्य प्रयोगशाला, टेकुमा लगीएको र परीक्षणको नतिजा आउन बाँकी । - हाल स्थिति सामान्य रहेको ।

Read More
हैजा सम्बन्धि जानकारी

Jan 1

गुल्मी जिल्लाको मुसिकोट नगरपालिकामा फैलिएको झाडापखालाको अवस्था

गुल्मी जिल्लाको मुसिकोटमा फैलिएको झाडापखालाको राष्ट्रिय जनस्वास्थ्य प्रयोगशाला, टेकुबाट आज  मिति २०७६।०१।२० गते प्राप्त रिपोर्ट अनुसार   गुल्मी जिल्लाको मुसिकोटमा नगरपलिका वडा न ४, दजाकोटमाबाट ४ वटा पानीको नमूना संकलन गरि राष्ट्रिय जनस्वास्थ्य प्रयोगशाला, टेकुमा परिक्षण गर्दा ४ वटै पानीमा प्रशस्त मात्रामा Coliform देखिएको र त्यसै गरी ४ वटा बिरामीहरुको दिसाको नमूना परिक्षण गर्दा १ जनामा Shigella flexneri भेटिएको ।    गुल्मी जिल्लाको मुसिकोटमा फैलिएको झाडापखालाको पछिल्लो अवस्था (मिति २०७६/०१/१८, दिउसो ४:00 बजे) गुल्मी जिल्लाको मुसिकोट नगरपालिका वडा न ४ दजाकोट मा मिति २०७६/०१/१० देखि हाल सम्म जम्मा १९३ जना बिरामीहरुको उपचार भएको । मिति २०७६/०१/१७ देखि आज मिति २०७६/०१/१८ सम्ममा कुनैपनि थप नयाँ  झाडापखालाक बिरामी नभएको र स्थिती नियन्त्रणमा रहेको जानकारी प्राप्त भएको ।   गुल्मी जिल्लाको मुसिकोटमा फैलिएको झाडापखालाको पछिल्लो अवस्था (मिति २०७६/०१/१७, दिउसो  १:४५ बजे) गुल्मी जिल्लाको मुसिकोट नगरपालिका वडा न ४ दजाकोटमा मिति २०७६/०१/१० देखि हाल सम्म जम्मा १९३ जना बिरामीहरुको उपचार भएको । आज मिति २०७६/०१/१७ मा कुनैपनि थप नयाँ  झाडापखालाक  बिरामी नभएको र स्थिती नियन्त्रणमा रहेको जानकारी प्राप्त भएको ।   मिति २०७६/०१/१६  को ६:३० बजे साझ सम्मको पछिल्लो अवस्था: गुल्मी जिल्लाको मुसिकोट नगरपालिका वडा न ४ दाजकोट मा मिति २०७६/०१/१० देखि  हाल सम्म जम्मा १९३ जना बिरामीहरुको उपचार भएको । ती मध्ये जम्मा १८५ जना झाडापखालाका बिरामी रहेका । १ जना नँया बिरामी को आज मिति २०७६/०१/१६ उपचार गरिएको जानकारी प्राप्त । ४ वटा बिरामीहरुको दिसाको नमूना र ४ वटा पानीको नमूना संकलन गरि परिक्षणको लागि राष्ट्रिय जनस्वास्थ्य प्रयोगशाला, टेकुमा आज मिति २०७६/०१/१६ ल्याएर परिक्षण हुँदै गरेको ।  आज मिति २०७६/०१/१६ गते खानेपानी तथा ढल निकास बिभाग, काठमाडौँ बाट ल्याबका टोलिले मुसिकोट नगरपालिका वडा न ४ दाजकोटमा पुगी ४ वटा पानी को नमुना संकलन गरि परिक्षणको लागि काठमाडौँ ल्याईएको जानकारी प्राप्त । आजै स्थानीय, जिल्ला र केन्द्रवटा परिचालित टोलिले महिला स्वास्थ्य स्वयंसेविका र स्थानीय लाई सरसाफई तथा स्वच्छ खानेपानी सम्बन्धि जनचेतना मूलक कार्यक्रम चलाएको। स्थिती नियन्त्रणमा रहेको ।   गुल्मी जिल्लाको मुसिकोटमा फैलिएको झाडापखाला र हुम्ला जिल्लाको ताँजाकोटमा देखिएको रुघाखोकीको पछिल्लो अवस्था (मिति २०७६/०१/१५, बेलुका ६:३० बजे) गुल्मी जिल्लाको मुसिकोट नगरपालिका वडा न. ४ मा मिति २०७६/०१/१० देखि हाल सम्म जम्मा १९२ जना झाडापखालाका बिरामीहरुको उपचार गरिएको जस मध्ये २५ जनाको मिति २०७६/०१/१५ उपचार गरिएको । ४ वटा बिरामीहरुको दिसाको नमूना र ४ वटा पानीको नमूना संकलन गरि थप परिक्षणको लागि राष्ट्रिय जनस्वास्थ्य प्रयोगशाला, टेकुमा ल्याउदै गरिएको ।  स्थिती नियन्त्रणमा रहेको ।   गुल्मी जिल्लाको मुसिकोट नगरपालिका वडा नं. ४, दजाकोटमा फैलिएको झाडापखालाको मिति २०७६/०१/१५ को अवस्था: झाडापखालाका विरामी मिति २०७६/०१/१० देखि देखा परेको र शुरु भएको । स्वास्थ्य कार्यालय, गुल्मी र मुसिकोट न.पा.बाट Rapid Response Team सहित स्वास्थ्यकर्मीको टोली आवश्यक औषधी सहित सो रोगको नियन्त्रण तथा व्यस्थापन गर्न परिचालन भएको । हालसम्म १६७ जना झाडापखालाको विरामीको उपचार भइसकेको । मिति २०७६/०१/१४ गते एक जना १२ वर्षिय बालकको झाडापखालाको कारण स्वास्थ्य संस्थाको सम्पर्कमा नआई घरैमा मृत्यु भएको । ६ जना बिरामीलाई जिल्ला अस्पताल गुल्मीमा रिफर गरिएको र १ जनाको भरतपुर अस्पताल, चितवनको आई.सि.यू. मा उपचार भईरहेको । सो मुहानको पानीको नमूना संकलन गरि जिल्ला खानेपानी तथा सरसफाई डिभिजन कार्यालय पाल्पामा परिक्षण गर्दा प्रशस्त मात्रामा Coliform देखिएको । गुल्मी अस्पतालमा ५ जना विरामीको जाँच गर्दा इन्टामिवा हिस्टोलाइटिका Entamoeba histolytica परजिवी देखा परेको र साथै अरु विरामीको दिसा नमूना र पानीको नमूना संकलन गरि थप परिक्षणको लागि राष्ट्रिय जनस्वास्थ्य प्रयोगशाला, टेकुमा ल्याउदै गरिएको । विरामीहरुलाई स्थानीय स्कुलमा स्वास्थ्य शिविर संचालन गरि उपचार भईरहेको । हाललाई स्थानीयहरुले खानेपानीको बैकल्पिक मुहान प्रयोग गरिरहेको । पानी उमालेर खान सल्लाह तथा सुझाव दिइएको । यस महाशाखाबाट रोग नियन्त्रण तथा व्यवस्थापन गर्न थप परिक्षणको लागि नमूना संकलन गर्न विश्व स्वास्थ्य संगठनका चिकित्सक सहितको टोली मिति २०७६/०१/१३ गतेदेखि प्रभावित स्थलतर्फ परिचालन गरिएको । मिति २०७६/०१/१४ गतेका दिन जिल्ला समन्वय समितिका कार्यवाहक प्रमुख, प्रमुख जिल्ला अधिकारी, जिल्ला समन्वय अधिकारी, गुल्मी अस्पतालका मे.सु. तथा विश्व स्वास्थ्य संगठनका चिकित्सक एवम् स्वास्थ्यकर्मीहरुसंग बैठक वसी नियन्त्रणका कार्य अगाडी वढाइएको । स्थिती नियन्त्रणमा रहेको ।

Read More
गुल्मी जिल्लाको मुसिकोट नगरपालिकामा फैलिएको झाडापखालाको अवस्था

Jan 1

हुम्ला जिल्लाको ताजाकोट गाउँपालिकामा देखिएको रुघाखोकीको अवस्था:

हुम्ला जिल्लाको ताँजाकोटमा देखिएको रुघाखोकीको राष्ट्रिय जनस्वास्थ्य प्रयोगशाला, टेकुबाट आज  मिति २०७६।०१।२० गते प्राप्त रिपोर्ट अनुसार - रुघाखोकी संक्रमणको ५ बिरामीको घाटीको रयाल (Throat swab) नमुना राष्ट्रिय जनस्वास्थ्य प्रयोगशाला, टेकुमा परिक्षण गर्दा १ जनामा  मौसमी रुघा खोकी  Influenza A(H1N1)pdm 09 पोजेटीभ भेटिएको ।  - हाल स्थिती नियन्त्रणमा रहेको जानकारी प्राप्त भएको ।   हुम्ला जिल्लाको ताँजाकोट गाउँपालिकामा बिगत केहि हप्ता देखि सुरु भएको रुघाखोकी संक्रमणको पछिल्लो अवस्था (मिति २०७६/०१/ १८): हुम्ला जिल्लाको ताँजाकोट गाउँपालिकाबाट ५ वटा संकास्पद बिरामीको घाटीको रयाल (Throat Swab) र १ जनाको दिसा को नमुना संकलन गरेर आज मिति २०७६/०१/१८ सुर्खेत ल्याएको र सुर्खेतबाट परिक्षणको लागि राष्ट्रिय जनस्वास्थ्य प्रयोगशाला, टेकुमा ल्याउने व्यवस्था मिलाउदै गरिएको व्यवस्था मिलाउदै गरिएको जानकारी प्राप्त। स्थिती नियन्त्रणमा रहेको र बिरामीहरु पनि घट्दै गएका हुनालले प्रदेश अस्पताल, सुर्खेत बाट परिचालित ३ जना चिकित्सक र स्वास्थ्यकर्मीहरु प्रवाभित स्थलबाट सुर्खेत आजै फर्किसकेको र २ चिकित्सक सहित ५ स्वास्थ्यकर्मीहरु प्रवाभित स्थलमा  नै रहेको र उहाहरु पनि भोलि फर्कने तयारीमा रहेको जानकारी प्राप्त भएको । मिति २०७६/०१/१५ देखि मिति २०७६/०१/ १७ सम्म हुम्ला जिल्लाको ताँजाकोट गाउँपालिकामा प्रकोप नियन्त्रण तथा व्यवस्थापन गर्न सामाजिक विकास मन्त्रालय, स्वास्थ्य निर्देशनालय, कर्णाली प्रदेशबाट खटिएको चिकित्सक सहितको स्वास्थ्यकर्मीहरुले स्वास्थ्य शिविर संचालन गरी उपचार कार्य गरेको (स्थानीय र प्रदेश बाट खटिएको स्वास्थ्यकर्मीद्वारा जानकारी प्राप्त)। - मिति २०७६/०१/१५ देखि मिति २०७६/०१/१७ जम्मा ७४४ जना बिरामीहरुको  उपचार गररेको जस मध्ये: - ४०२ जना महिला र ३४२ जना पुरुष रहेका । - २३९ जना रुघाखोकीको बिरामी रहेका । - ५५ जना झाडापखालाको बिरामी रहेका । - १७३ जना ग्यासट्राइटिसको बिरामी रहेका । - ४०  जना हाडजोर्नीको बिरामी रहेका । - २३७ जना अन्य रोगको बिरामी रहेका ।   मिति २०७६/०१/१७ गते दिउसो १:४५ बजे सम्म - ५० जना बिरामीहरुको उपचार गरिएको जस मध्ये ११ रुघाखोकीका बिरामी रहेको जानकारी प्राप्त। रुघाखोकीका बिरामीहरु घट्दै गरेको र ४ वटा संकास्पद बिरामीको घाटीको रयाल (Throat Swab) र १ जनाको दिसाको नमुना संकलन गरेर परिक्षणको लागि राष्ट्रिय जनस्वास्थ्य प्रयोगशाला, टेकुमा ल्याउने व्यवस्था मिलाउदै गरिएको जानकारी प्राप्त। मिति २०७६/०१/१६ हुम्ला जिल्लाको ताँजाकोट गाउँपालिकामा प्रकोप नियन्त्रण तथा व्यवस्थापन गर्न सामाजिक विकास मन्त्रालय, स्वास्थ्य निर्देशनालय, कर्णाली प्रदेशबाट खटिएको चिकित्सक सहितको स्वास्थ्यकर्मीहरु तीन भागमा बिभाजन भई स्वास्थ्य शिविर संचालन गरी उपचार कार्य गरेको (स्थानीय र प्रदेश बाट खटिएको स्वास्थ्यकर्मीद्वारा जानकारी प्राप्त)। १) वडा न. १ भैसामाझ सामुदायिक स्वास्थ्य ईकाईमा २०७६/०१/१६ गते जम्मा २३५ जना बिरामीहरुको शिविरमा उपचार गरिएको जस मध्ये: - ७९ जना रुघाखोकीका बिरामी रहेका । - १९ जना झाडापखालाका बिरामी रहेका । - ६५ जना ग्यासट्राइटिसका बिरामी रहेका । - ७२  जना अन्य रोगको बिरामी रहेका ।   २) वडा न २ र ३ को बीचमा रहेको मैला हेल्थ पोष्ट मा जम्मा १७५ जना बिरामीहरु को उपचार गरिएको जस मध्ये: - ६० जना रुघा खोकी को बिरामी रहेका । - ५० जना झाडापखालाको बिरामी रहेका । - २३ जना हाडजोर्नीको बिरामी रहेका । - ४२ जना अन्य रोगको बिरामी रहेका ।   ३) वडा न ४ र ५ को बीचमा रहेको गोठयालडाँडा सामुदायिक स्वास्थ्य ईकाईमा जम्मा १३८ जना बिरामीहरु को उपचार गरिएको जस मध्ये:  - ४१  जना रुघाखोकीका बिरामी रहेका । - १० जना झाडापखालाका बिरामी रहेका । - २५ जना ग्यासट्राइटिसका बिरामी रहेका । - ६२  जना अन्य रोगको बिरामी रहेका ।   हुम्ला जिल्लाको ताजकोट गाउँ पालिकामा बिगत केहि हप्ता देखि सुरु भएको रुघा खोकी संक्रमणको मिति २०७६/०१/१६ को पछिल्लो अवस्था: आज मिति २०७६/०१/१६ हुम्ला जिल्लाको ताजकोट गाउँ पालिकामा प्रकोप नियन्त्रण तथा ब्यबस्थापन गर्न सामाजिक विकास मन्त्रालय, प्रदेश स्वास्थ्य निर्देशनालयबाट खटिएको चिकित्षक सहितको स्वास्थ्यकर्मीहरु तीन भागमा बिभाजन भई स्वास्थ्य शिविर संचालन गरी उपचार कार्य गरेको (स्थानिय र प्रदेश बाट खटिएको स्वास्थ्यकर्मीद्वारा जानकारी प्राप्त)। १) वडा न १ भैसामाझ सामुदायिक स्वास्थ्य ईकाई मा आज  २०७६/०१/१६ जम्मा २३५ जना बिरामीहरु को उपचार गरिएको जस मध्ये:      - ७९ जना रुघा खोकी को बिरामी रहेका ।      - बाँकी १५६ जना अन्य रोगको बिरामी रहेका । २) वडा न २ र ३ को बीचमा रहेको मैला हेल्थ पोष्ट मा आज जम्मा १७० जना बिरामीहरु को उपचार गरिएको । ३) वडा न ४ र ५ को बीचमा रहेको गोठयालडाँडा सामुदायिक स्वास्थ्य ईकाई मा खटिए को स्वास्थ्य टोलि संग टेलिफोन सम्पर्क हाल सम्म हुन नसकेको (थप बिवरण आउन बाकी)  सो प्राप्त हुनासाथ जानकारी गराउने छौँ । मिति २०७६/०१/१५ गते एक ६२ बर्षीय महिला पुरानो क्षयरोग (टि बी) तथा दमको रोगी रहेको र तीनले क्षयरोगको औसधि पुरा नगरी बीचाई मा छाडेको र स्वास्थ्य संस्थामा नआई घरमै मृत्यु भएको जानकारी प्राप्त ।    हुम्ला जिल्लाको ताँजाकोट गाउँपालिकामा बिगत केहि हप्ता देखि सुरु भएको रुघा खोकी संक्रमणको मिति २०७६/०१/१५, बेलुका ६:३० बजे सम्मको पछिल्लो अवस्था: हुम्ला जिल्लाको ताँजाकोट गाउँपालिकामा प्रकोप नियन्त्रण तथा व्यवस्थापन गर्न सामाजिक विकास मन्त्रालय, स्वास्थ्य निर्देशनालय, कर्णाली प्रदेशबाट खटिएको चिकित्सक सहितको स्वास्थ्यकर्मीहरु निम्न अनुसार रहेको ।१) डा. के येन पौडेल, प्रदेश अस्पताल, सुर्खेत२) डा. केशब अधिकारी, प्रदेश अस्पताल, सुर्खेत३) डा. टेक राज भट्टराई, प्रदेश अस्पताल, सुर्खेत४) डा. मनोज तिमल्सिना, रातापानी प्राथमिक स्वास्थ्य केन्द्र, मुगु जिल्ला ५) श्री श्याम लाल आचार्य, सम्पर्क व्यक्ति, प्रादेशिक Health Emergency Operation Center (PHEOC), सुर्खेत ६) श्री बल भद्र यादव, हे.अ. स्वास्थ्य निर्देशनालय, कर्णाली प्रदेश ७) श्री धर्म अधिकारी, ल्याब अ. स्वास्थ्य निर्देशनालय, कर्णाली प्रदेश ८) श्री गगन परियार, अ. हे. व. रातापानी प्राथमिक स्वास्थ्य केन्द्र, मुगु जिल्ला – आज मिति २०७६ साल बैशाख १५ गते परिचालीत चिकित्सक एवं स्वास्थ्यकर्मीहरुले मुख्य रुपमा ताँजाकोट गाउँपालिकाको वडा न २ र ३ मा केन्द्रीत भई मिति २०७६/०१/१५ गते जम्मा १३२ जनाको उपचार गरेको र मिति २०७६/०१/१६ वडा न. १ मा स्वास्थ्य शिविर संचालन गर्ने योजना रहेको ।जस मध्ये:४७ जनामा रुघाखोकीका बिरामी३१ जनामा पेट दुख्ने समस्या६ जना पखालाको बिरामी १२ जनामा हाडजोर्नी दुख्ने समस्या र ३६ जना अन्य बिरामीहरुको उपचार गरिएको ।   हुम्ला जिल्लाको ताजाकोट गाउँपालिका वडा नं। १, २, र ३ मा देखिएको रुघाखोकीको मिति २०७६/०१/१५ को अवस्था: - स्थानीय ताजकोट स्वास्थ्य चौकीका स्वास्थ्यकर्मी मोतिलाल जैसी तथा स्वास्थ्य कार्यालय हुम्लाका प्रमुख तुलसी अधिकारी समेतबाट प्राप्त जानकारी अनुसार विगत केही हप्ता देखि उक्त बडाहरुमा रुघाखोकीको विरामीहरु देखा परेको तर विभिन्न संचारमाध्यममा आएजस्तो पुरै गाउँ प्रभावित हुनेगरी प्रकोपको अवस्था नरहेको । - मिति २०७५/१२/२६ गते देखि २०७६/०१/१४ गतेसम्म विभिन्न कारणले ९ जनाको मृत्यु भएको: एक जना १० महिनाको बालकको निमोनियको कारण घरैमा मृत्यु भएको । एक जना ५ वर्षिय बालकको कुपोषणको कारण घरैमा मृत्यु भएको ।  त्यसैगरि ७ जना दम (COPD) को दीर्घरोगबाट पहिले देखिनै पिडित व्यक्तिहरुको स्वास्थ्य संस्थामा आउनु अगाबै घरैमा मृत्यु भएको जानकारी प्राप्त । - आज मिति २०७६/०१/१५ गते सामाजिक विकास मन्त्रालय, कर्णाली प्रदेश, सुर्खेत, प्रदेश स्वास्थ्य निर्देशनालयबाट चिकित्सक डा. तेजराज भट्टराई, हे.अ. बलभद्र यादव, ल्या.अ. धर्म अधिकारी आवश्यक औषधी र नमूना संकलन गर्ने आवश्यक समाग्रीहरु सहित नेपाली सेनाको हेलिकप्टरबाट प्रभावित स्थलमा भर्खरै पुगेको । - थप चिकित्सक तथा स्वास्थ्यकर्मीको टोली आवश्यक औषधी र स्वास्थ्य शिक्षा समाग्री सहित प्रभावित स्थलतर्फ परिचालन हुन तयारी अवस्थामा रहेको । - स्थानीय स्वास्थ्यकर्मीबाट प्राप्त जानकारी अनुसार हाल स्थिति नियन्त्रणमा रहेको ।

Read More
हुम्ला जिल्लाको ताजाकोट गाउँपालिकामा देखिएको रुघाखोकीको अवस्था: